२४ पुष सीरिया । सीरियामें काल्हि अलग अलग स्थान पर भेल संघर्षमें कम स कम २७ गोटेके मृत्यु भेल अछि ।
विपक्षी समुह आ स्थानीय समन्वय समितीके अनुसार होम्स शहरमें १३ गोटेके मृत्यु भेल अछि । अरब लीगके पर्यवेक्षक अहि समय एक क्षेत्रीय शांति योजनाके समीक्षाके लेल सीरियामें अछि मुदा अहु बिच हिंसामें कोनो कमी नहि आएल अछि ।
राजधानी दमिश्कमें शुक्रदिनके एक बम बिष्फोटमे मृत्यु भेल २६ गोटेके अन्तिम सँस्कारके लेल सरकार आयोजन केने छल । जाहिमे हज़ारों लोग सहभागी छल आ ओहिमे झडप भेल छल ।
सरकारके कहब अछि जे अहि बम बिष्फोटनके कड़ा जवाब देल जाएत मुदा विपक्षके कहब छैक जे इ बिष्फोटन सरकारे करवौने अछि ।
संयुक्त राष्ट्रके कहब अछि जे राष्ट्रपति बशर अल असद के बिरुद्ध १० महीना सँ चलिरहल विरोध प्रदर्शनमें अखनधरि ५ हजारसँ बेसीके मृत्यु भऽ चुकल अछि ।
No comments:
Post a Comment